520200-Биология программасынын PhD-докторанты илимий стажировкада
{# Анонс не дублируем: при переносе он берётся из начала текста,
и на странице новости это выглядело как повтор абзаца.
В списках новостей анонс по-прежнему используется. #}
2026-жылдын 06-апрелинен 18-апрелине чейин Ош мамлекеттик университетинин табият таануу, дене тарбия, туризм жана агрардык технологиялар институтунун 520200-Биология программасынын PhD-докторанты Бопоев Нурбек Омурзакович илимий жетекчиси, б.и.к., доцент Молдалиев Жоомарт Тумакович менен чогуу Өзбекстан Республикасынын Наманган мамлекеттик университетинин медицина факультетинин анатомия жана физиология кафедрасына илимий-изилдөө стажировкасын өтөөгө барышты.Бул стажировка Кыргыз Республикасынын Министрлер Кабинетинин 2024-жылдын 27-августундагы №517 токтому менен бекитилген “Жогорку окуу жайынан кийинки кесиптик билим берүүнүн PhD/тармак боюнча докторантурасын уюштуруу жана философия доктору (PhD)/тармак боюнча доктор окумуштуулук даражасын ыйгаруу тартибинин” 17-пунктуна ылайык жүргүзүлүүдө. Ага ылайык, PhD-докторант окуу процессинин жүрүшүндө эки жумадан кем эмес мөөнөткө чет өлкөлүк илимий-изилдөө стажировкадан жана/же практикадан өтүүгө милдеттүү.
